*** "ღრუბლები, ნაკვეთი უხეშ საჭრეთელით" (მთარგმნელი მეტრეველი ლელა)

ღრუბლები, ნაკვეთი უხეშ საჭრეთელით

ირევიან ცაზე და თავისას წუხან

ხოლო ამ ტყე-პარკში ერთადერთი მუხა

ჯერ უღონო ყლორტთა ამწვანებას ელის.

მე მახარებს ახლა: ეს სენაკი ვიწრო,

შუაღამით ისევ ცისკრის სხივთა ფენა,

ო, რა კარგად მესმის მცენარეთა ენა, _

ყველა ხე და ბუჩქი მოფერებას ითხოვს.

მე მახარებს ახლა: ამ ტყე-ღრეში ყოფნა,

რაღაც მშვენიერზე მომღერალი ჩიტი,

უბადრუკი, ოდნავ ჩაზნექილი ხიდი

და ისიც, რომ დიდხანს არ მომიწევს მოცდა.